HOSCHELIVS David

HOSCHELIVS David

Augustâ-Vindelicus Gymnasio Annaeo praefectus A. C. 1593. per Annos 36. illud magnâ nominis sui famâ rexit, Graecae inprimis Linguae peritissimus. Bibliothecae publicae curâ quoque interea susceptâ, rarissimorum Codicum MSS. Graecorum magno aere ab Antonio Eparchio Ep. Corcyrensi coemptorum ingenti copiâ illam auxit, Photium, illum omnium Eruditorum tanto petitum ambitu, tanto datum, primus in lucem edidit, gratias ei omnium eorum nomine peculiari epistolâ agente Is. Casaub. Procopii etiam Graecam editionem immenso labore ac studio maturavit. Patrum praeterea quaedam monumenta Graece edidit, ob haec in Rem Literat. merita, totius Europae sidus, Graecarum Literarum phosphorus, veterumque librorum Restitutor crebro salutatus. Obiit A. C. 1617. Aet. 61. Cetera quaes scripsit quam plurima, Vide apud Theoph. Spizelium Templo Hon. Paul. Freher. Theat. Viror. Erudit. Claror. Alios.